اسوء احساس في الدنيا لما تكتشف إنك كنت مخدوع في الناس اللي حواليك ويشاء القدر أنه يبين حقيقة كل شخص والقلوب السوده المليانه بالحقد والغل والحسد والكراهيه وبتستكتر عليك اي حاجه ممكن تفرحك حتي ولو بسيطه
وتحاول بكل الطرق إنها تبوظلك حياتك
مع انها هي نفس الأشخاص اللي قدامك ومعاك كنت بتسمع منها اجمل كلام وبيقولوا فيك شعر ميتوصفش
واكتر حاجه ممكن تزعلك لما تلاقي شخص قد عمرك مرتين هو اللي بيشوه صورتك مع إنك مفيش بينك وبينه اي شئ يوصله انك تكون تقيل علي قلبه بالشكل ده والأغرب أنه مش بيستفاد حاجه من ورا كلامه ده غير أنه اذاني نفسيا
وكل ده علشان ربنا قال وأن ليس للإنسان الا ما سعي
والشخص ده مش عايزك تسعي ولا تبقي كويس ولا عايز يشوفك سعيد في حياتك وفرحان بس ان شاء الله ربنا بيعوص بالاحسن والافضل والاجمل والاوفي والانضف تخيل بقا يا مؤمن لما ربنا يعوضك بأشخاص غير المنافقين اللي انت عايش وسطهم وبوظيفه مكنتش تحلم بيها والاجمل من كل ده زوجه صالحه الناس تحسد عليها وعلي اخلاقها لأن عوض ربنا ورزقه لما بيجي مفيش حاجه في الدنيا تقدر تمنعه
والاجمل من كده انك تبعد عن كل الأشخاص اللي قلوبها مش نضيفه وتبدأ تدور علي ناس شبهك ناس قلوبها مليان حب وصدق ومفيش كلام بيغيرهم ولا سيناريوهات كدابه ممكن تخليهم يبعدوا عنك لمجرد أن شخص بيحقد عليك ويبدأ يشوه صورتك قدامهم
وانا بشكر ربنا إنه وضحلي الصوره كامله
وكشفلي قلوب مش نضيفه
وانا هسيب الشخص ده واللي زيه لربنا
وزي ما سيدنا عيسى قال لربنا في القرآن الكريم
إن تعذبهم فإنهم عبادك وإن تغفر لهم فإنك أنت العزيز الحكيم
